عربون المودة

[د/ أبوتركي]

في جنينة هالخفوق أسقيت لك وردة غلاك

بالحنان وبالغلا والشوق عربون المودة

أسعدالله صبحك الباسم ويسعدلك مساك

أسترح في مسكنٍ بالشوق لك يزداد مده

أسترح في مسكنٍ تملكه زانه حلاك

نفس من تسكن خفوقه للحفاوة مستعدة

عاشقٍ سخر حياته كلها ينشد رضاك

وكل يومٍ مر من عمره بدونك مايعده

عاشقٍ لاجف ريقه عاش في رجوا عطاك

من عطاك يبل ريقه والسعد بك يستمده

في عيونه كن مابالكون حيٍ له سواك

وأنت لك وحدك بنا قصر . .. .. .. .. .. . ولايهده

خصك الله بالجمال .. وخصه الله في هواك

عاشقٍ لك مخلصٍ لك مـد كف الشوق شـده

وهل وبل الوصل دام الغيم يسكن في سماك

هلها من دون براقٍ ورعادٍ .. يلده

والله أنه مايبل الريق مايٍ غير ماك

يازلالك .. يالهلاك .. وكل شيٍ وصل حده

ذا خفوق العاشق المغرم وبه وردة غلاك

فاح لك بالشوق دام الشوق عربون المودة


منقـــــول


للشاعر الكبير / راعي الروضه

تحياتي للجميع

الدكتــــــــور

[اجاء]

http://www.al-wed.com/pic-vb/12.gif
استرح في مسكنٍ تملكه زانــه حلاك

نفس من تسكن خفوقه للحفاوة مستعدة

عاشقٍ سخر حياته كلها ينشد رضاك

وكل يومٍ مر من عمــره بدونك مايعـــده
http://www.al-wed.com/pic-vb/12.gif




كلك ذوووووق ومفهوميه ربي يخليك يالغالي

[الاميره دانيه]

السلام عليكم ورحمة الله وبركاته
قصيده جميله ومنقول موفق

[نبض الحب]

ودي ارد لاكن كلامك اكثر من رائع يعطيك الف عافيه



تحياتي لك

[د/ أبوتركي]

ألف شكر لك يا أجاء على الرد الجميل وللامام غن شاء الله

تحياتي :) :) :)

الدكتـــــور

[د/ أبوتركي]

يعطيج العافيه على الرد وللامام إن شاء الله

تحياتي

الدكتــــــــور

[د/ أبوتركي]

نبض الحب ألف شكر لك على الرد العذب ودمت لنا سالما

تحياتي :) :) :)

الدكتــــــــور

[جرح المودة]

كلك ذوووووووق


ومشكووورعلى نقلك المبدع