غصن السنين

[د/ أبوتركي]

مـا توفيـك المشـاعـر والحـنـان
وش تبين أكثر .. دخيلـك وش تبيـن

كنت أجي واحسب مسافـات المكـان
ارحمي شوقي .. وخطـوات الأنيـن

خطوتـي تثمـر زهـور وزعفـران
في ثرى وصلك .. على غصن السنين

تكسريني / تجبرينـي / فـي ثـوان
تكتبينـي / تشطبيـنـي / تلعبـيـن


صادق الإحساس فـي جفنـي يبـان
يستبيحك عذر .. في رمش ٍ حزيـن

كم تعب يكتب مـن أوصافـك بيـان
مـا بقـى مـن حبـره إلا دمعتيـن

وكم سهـر يرسـم بأطـراف البنـان
وتذبل الصـورة بوسـط الحاجبيـن

من خناجر عينـك أرخيـت العنـان
احسبينـي ضمـن طعنـات الحنيـن

وانثري شعرك .. على وجه الزمـان
وارسمينـي فـي عيونـك والجبيـن

موجك اللي ما عطى قلبـي الأمـان
مـا يرسينـي علـى شـط اليقـيـن

إن غرقنـا .. مـا رضينـا بالهـوان
وإن حيينـا .. مـا تغيرنـا السنيـن




تحياتي للجميع،،،


الدكتــــــــــور

[الاميره دانيه]

السلام عليكم ورحمة الله وبركاته
اروع من الرائع ابو تركي
والله تشعل القلب حسره على هذا العاشق
بوركت
اختك الاميره

[نبض الحب]

د/ ابو تركي


رائع ... رائع ... رائع

احساس مرهف

لك جزيل الشكر على ماأبدعت

تقبـــل تحيـــاتي

أخـــــوك

^^^^^ نبض الحب ^^^^^

[د/ أبوتركي]

ألف شكر لج يا أخت الأميره على هذا الرد وللأمام إن شاء الله,

تحياتي،،،

الدكتـــــــور

[د/ أبوتركي]

يعطيك ألف عافيه على الرد الجميل يا نبض الحب ودمت للأمام إن شاء الله,

تحياتي،،،

الدكتــــــــور