فكرة بيت

[د/ أبوتركي]

قالت انت تحب قلـي يـا رجـل

قلت احبك بـس مانـي مستفيـد

هالسؤال من الاجابه مـا خجـل

والاجابة يا حياتـي شـي اكيـد

ايـه احبـك لا تحبينـي اجــل

اعشقيني عشق نسقي به وريـد

اوعدك والوعد ماهو لـي دجـل

افتخر بـك داخلـي حبـك يزيـد

انخلقت انسان من طيـن بعجـل

وانخلقت احساس ثابت ما يحيـد

وبالمشاعر صدقيني لـك سجـل

بس اخاف يصير قلبي من حديـد

وبالخفوق يحل رجـاف الوجـل

وانقلب من قيس شيطان القصيـد

وارسل الالغام مع طيـر الزجـل

وانفجر بك غيض عشاقٍ عنيـد

والحمام يطير مع سرب الحجـل

هجرة الوجدان والحـب الوحيـد

والسلام يطيح مـن ايـد النجـل

والحضور غياب والعـارف يبيـد

قالـت انـت تعـد ولا ترتـجـل

قلـت انـا لله واعلنـت الجحيـد

قاعد من اليوم ارفع بـك واجـل

وانتي فكرة بيت طـاروقٍ جديـد

قالت اصبر مسرع وغامض عجل

قلت انا مليت من سمـع البليـد

تصبحين بخير قلبي بـي رجـل

فكرةٍ قشرا ورأيـي بـك سديـد


مع فائق الإحترام والتقدير،،،


الدكتـــــــــــــــــور

[الاميره دانيه]

السلام عليكم ورحمة الله وبركاته
اخي ابو تركي
دوما متميز وصاحب عقليه ممتازه في جلب الكلمات
اتمنى لك التقدم دوما
اختك الاميره

[اجاء]

صح لساااااااااااااااااانك لاعدمناااااااااك

[د/ أبوتركي]

أميرتنا العزيزه يعطيج ألف عافيه على الرد العذب والجميل , وللأمام إن شاء الله

تحياتي ،،،

الدكتــــــــــور

[د/ أبوتركي]

صح بدنك يا أجــــــاء ومشكور على الرد

تحياتي

الدكتـــــــــور

[نبض الحب]

د/ ابو تركي


سلمت وصح لسانك على القصيده


الله يعطيك العافيه

[د/ أبوتركي]

(( نبض الحب ))

مدري القصـــــايد فيك وش ممكن تكون ؟

لا صرت صفحة مالها بالغلا طي ،

ما أبيك تسأل أنا أحب وشلون ؟

الحب كله فيك أنا أشوفه ( شوي )

يكفي أشوفك كل شي بها الكون

و اشوف كل الكون دونك و لاشي

ألف شكر لك على الرد وللأمام إن شاء الله

تحياتي ،،،

الدكتــــــــــــــور